نومبر 30 سے 12 دسمبر تک کوپ 28 یو-اے -ای ایکسپو سٹی دبئی میں ہوگا۔کوپ 28 اقوام متحدہ کی موسمیاتی تبدیلی کی سالانہ کانفرنس ہے جو اقوام متحدہ کے فریم ورک کنونشن آن کلائمیٹ چینج (UNFCCC) کے فریم ورک میں منعقد ہوتی ہیں۔
وہ (UNFCCC) پارٹیوں کی کانفرنس، (COP) کے باضابطہ اجلاس کے طور پر کام کرتے ہیں تاکہ موسمیاتی تبدیلی سے نمٹنے، کاربن کےاخراج کو محدود کرنے اور گلوبل وارمنگ کو روکنے کے بارے میں بات چیت اور کارروائی پر اتفاق کیا جائے۔
اقوام متحدہ کی موسمیاتی تبدیلی کانفرنسیں موسمیاتی مسائل پر فیصلہ سازی کرنے والا دنیا کا سب سے بڑا ادارہ ہے اور دنیا کے سب سے بڑے بین الاقوامی اجلاسوں میں سے ایک ہے۔ 28 ویں اقوام متحدہ کی موسمیاتی تبدیلی کانفرنس کا مقصد دنیا کو اکٹھے ہونے، اور 1.5C کو پہنچ کے اندر رکھنے کے لیے پیش رفت کو آگے بڑھانے کا ایک سنگ میل کا موقع فراہم کرے گا۔ تاکہ ہم پیرس معاہدے کے اہداف اور عزائم کو پورا کر سکیں۔
کوپ 28 یو-اے-ای دنیا کے لیے ایک تبدیلی کا لمحہ ہو گا جو ٹھوس موسمیاتی کارروائی کے ارد گرد متحد ہو جانے اور حقیقت پسندانہ حل پیش کرنے میں کار آمد ثابت ہو گی۔ اس کو حاصل کرنے کے لیے سول سوسائٹی، حکومتوں، صنعتوں اور شعبوں میں تعاون کی ضرورت بھی ہوگی۔
کوپ 28 کے بلیو زون ایک UNFCCC کے زیر انتظام سائٹ ہے، جو تسلیم شدہ جماعتوں (ملکی مذاکرات کاروں) اور مبصر مندوبین (NGOs، IGOs، UN ایجنسیوں)، میڈیا اور عالمی رہنماؤں کے لیے کھلی ہے۔ بلیو زون کانفرنس کے دو ہفتوں میں باضابطہ مذاکرات کی میزبانی کرتا ہے، اور سینکڑوں آفیشل ضمنی تقریبات، بشمول پینل ڈسکشنز، تقریری تقریبات، اور ثقافتی تقریبات ہیں ۔
گرین زون ایک ایسی جگہ ہے جس کا انتظام کوپ 28 یو-اے-ای پریذیڈنسی کرتا ہے۔ یہ غیر تسلیم شدہ مندوبین کو ایک پلیٹ فارم پیش کرتا ہے، بشمول یوتھ گروپس، سول سوسائٹی، پرائیویٹ سیکٹر، اور مقامی گروپس کو ان کی آوازیں سننے کے لیے، مکالمے کو فروغ دینے اور موسمیاتی کارروائی کے بارے میں آگاہی فراہم کرنے کے لیےاور موسمیاتی تبدیلیوں سے نمٹنے کے لیے حکومتوں اور نجی شعبے کو مل کر کام کرنے کی سہولیات فراہم کرے گا۔
گرین زون کے ذریعے، کوپ 28 یو-اے-ای پریذیڈنسی نجی شعبے کو عالمی ماحولیاتی چیلنج کے لیے اپنی شراکت اور حل ظاہر کرنے کا موقع فراہم کرتی ہے۔ ان کے نقطہ نظر، موسمیاتی ایکشن ٹیکنالوجیز اور انٹرپرینیورشپ کوپ28 یو-اے-ای کا ایک اہم حصہ بنیں گے۔ گرین زون موسمیاتی تبدیلیوں کے تخفیف کے موجودہ اور مستقبل کے حل پر توجہ دینے کے ساتھ تکنیکی کانفرنسوں، پینلز اور ایکٹیویشن کی میزبانی بھی کرے گا۔کوپ 28 دنیا کو ایک واضح پیغام کے ساتھ ایکشن کا مطالبہ پیش کرے گا کہ کس طرح ہر حکومت، صنعت اور فرد ہمارے موجودہ ترقی کے راستے کو درست کرنے کے لیے درکار نمایاں تبدیلی میں اپنا کردار ادا کر سکتے ہیں، تاکہ یہ یقینی بنایا جا سکے کہ ہم 2030 سے پہلے توانائی کی منتقلی اور اخراج کو کم کرنے کی راہ کی راہ پر گامزن ہیں۔
