پاکستان میڈیکل اینڈ ڈینٹل کونسل کی جانب سے ڈبلیو ایف ایم ای ایکریڈیٹیشن حاصل کرنے پر ایک تقریب کا انعقاد کیا گیا۔ تقریب کے مہمان خصوصی وفاقی وزیر پلاننگ پروفیسر احسن اقبال اور صدر ڈبلیو ایف ایم ای ریکارڈو لیون تھے۔ تقریب میں صدر پی ایم ڈی سی پروفیسر ڈاکٹر رضوان تاج، سرجن جنرل سمیت کونسل ممبران، ایکڈیمک بورڈ کے ممبران سمیت مختلف میڈیکل کالجز کے عہدیداروں، معزز طبی پیشہ ور افراد، ڈینز، میڈیکل کالجز کے وائس چانسلرز اور دیگر میڈیکل اسٹیک ہولڈرز نے شرکت کی۔
ڈبلیو ایف ایم ای ایکریڈیٹیشن اعلیٰ معیار کی طبی تعلیم فراہم کرنے کے ادارے کے عزم کے ثبوت کے طور پر کام کرتی ہے اور اس شعبے میں بہترین کارکردگی کا معیار قائم کرتی ہے۔تقریب کا آغاز صدر پی ایم اینڈ ڈی سی کے پرتپاک استقبال کے ساتھ ہوا، جس میں ڈبلیو ایف ایم ای کے مقرر کردہ سخت معیارات پر پورا اترنے میں پی ایم اینڈ ڈی سی کی انتھک کوششوں اور عزم کے لیے شکریہ ادا کیا گیا۔
صدر پی ایم ڈی سی پروفیسر ڈاکٹر رضوان تاج کا کہنا تھا کہ یہ ایکریڈیٹیشن پاکستان بھر میں طبی تعلیم میں بہترین اور معیار کو یقینی بنانے کے لیے PM&DC کی غیر متزلزل لگن کا ثبوت ہے۔ تقریب کے دوران، پی ایم اینڈ ڈی سی کو اس کے شاندار تعلیمی پروگراموں، مہارت، ریگولیٹری اور نگرانی کی پالیسیوں، اور طبی علم اور تعلیم کی ترقی کے لیے لگن کے لیے سراہا گیا۔
تقریب میں مہمان خصوصی وفاقی وزیر منصوبہ بندی جناب احسن اقبال نے اظہار تشکر کرتے ہوئے کہا، “یہ ایکریڈیٹیشن PM&DC کی محنت اور لگن کا منہ بولتا ثبوت ہے۔ یہ عالمی معیار کی طبی تعلیم فراہم کرنے کے ان کے عزم کا اعادہ کرتا ہے جو ہمارے گریجویٹس کو ان کی کارکردگی کے لیے تیار کرتی ہے۔ کیریئر اور صحت کی دیکھ بھال پر مثبت اثر ڈالتے ہیں۔
وفاقی وزیر احسن اقبال کا کہنا تھا کہ شعبہ میڈیکل ایک نہایت عظیم شعبہ ہے جس میں ڈاکٹر اپنی جان کی پرواہ کئے بغیر عوام کا علاج کرتے ہیں، پاکستان کو ڈبلیو ایف ایم ای ایکریڈیٹیشن کا حصول ایک سنگ میل کی حیثیت رکھتا ہے۔ مجھے یہ جان کر بھی خوشی ہوئی کہ پی ایم ڈی سی اپنے تمام معیارات کو بین الاقوامی سطح کے مطابق کر رہا ہے۔
وفاقی وزیر منصوبہ بندی احسن اقبال کا مزید کہنا تھا کہ وفاقی حکومت ہمیشہ سے پی ایم ڈی سی کو سپورٹ کرتی آئی ہے اور مستقبل میں بھی معاونت جاری رکھے گی۔ شعبہ میڈیکل ہمارے ملکی کی ریڑھ کی ہڈی کے مانند ہے۔ جس کو کسی بھی سطح پر نظر انداز نہیں کیا جاسکتا۔
تقریب سے خطاب کرتے ہوئے صدر ڈبلیو ایف ایم ای ڈاکٹر رونالڈو کا کہنا تھا کہ پاکستان میڈیکل اینڈ ڈینٹل کونسل کو ڈبلیو ایف ایم ای کی ایکریڈیشن کا حصول کی جانب خصوصی طور پر ڈاکٹر رضوان تاج اور انکی ٹیم کی انتھک محنت اور کوشوں کا نتیجہ ہے۔ صدر ڈبلیو ایف ایم ای کی جانب سے ایک مفصل پریزنٹیشن بھی دی گئی۔
تقریب سے خطاب کرتے ہوئے وفاقی سیکرٹری ہیلتھ افتخار شیلوانی کا کہنا تھا کہ پی ایم ڈی سی کو ڈبلیو ایف ایم ای ایکریڈیٹیشن ملنا پاکستان کیلئے باعث اعزاز ہے۔ اس ایکریڈیٹیشن سے پاکستان اور پاکستان سے باہر کام کرنے والے پاکستانی نژاد ڈاکٹروں کیلئے آسانی ہوگی۔ اس ایکریڈیٹیشن کے حصول میں پی ایم ڈی سی سمیت وزارت صحت کے تمام تر ملازمین کو خراج تحسین پیش کرتا ہوں۔
تقریب سے خطاب کرتے ہوئے سرجن جرنل کا کہنا تھا کہ پی ایم ڈی سی کی جانب سے ڈبلیو ایف ایم ای کی ایکریڈیشن حاصل کرنا پورے پاکستان اور میڈیکل کمیونیٹی کیلئے ایک اعزاز کی بات ہے اور بات میں کوئی دو رائے نہیں کہ اس ایکریڈیٹیشن کے حصول میں پی ایم ڈی سی سٹاف کی انتھک محنت اور کوششیں شامل ہیں۔
تقریب کے اختتام میں وفاقی وزیر پلاننگ احسن اقبال اور صدر پی ایم ڈی سی کی جانب سے صدر ڈبلیو ایف ایم ای کو اعزازی شیلڈ سے نوازا۔ تقریب کے اختتام پر مہمان خصوصی اور صدر پی ایم ڈی سی کی جانب سے پی ایم ڈی سی کونسل ممبران اور سٹاف میں اعزازی شیلڈ و اسناد دیں۔
