فیڈرل ڈائریکٹوریٹ آف ایجوکیشن (FDE) کے ماتحت اسکولوں میں انٹرپرینیورشپ نصاب کا آغاز کر دیا گیا۔اعلامیہ میں کہا گیا کہ اگلے تعلیمی سیشن سے، گریڈ 6 سے 10 تک کے طلباء کو انٹرپرینیورشپ کی دنیا میں جانے کا موقع ملے گا۔ یہ نصاب گلگت بلتستان میں پچھلے دو سالوں میں نافذ کیے گئے کامیاب ماڈل کی عکاسی کرتا ہے۔اِس نصاب کو طالب علموں میں کاروباری مہارتوں کو فروغ دینے، جدت طرازی اور تخلیقی صلاحیتوں کے لیے ضروری آلات اور ذہنیت سے آراستہ کرنے کے لیے احتیاط سے تیار کیا گیا ہے
اعلامیہ کے مطابق روایتی شخیص پر مبنی سیکھنے کے برعکس، یہ نصاب پروجیکٹ پر مبنی سیکھنے پر توجہ مرکوز کرے گا۔اِس سے طلباء کو نظریاتی علم کو حقیقی دنیا کے منظرناموں پر سمجھنے میں مدد ملے گی
اِس اقدام کے کامیاب نفاذ کو یقینی بنانے کے لیے، FDE (ICT) میں 200 اساتذہ کو تربیت فراہم کی جائے گی، سیکریٹری ایجوکیشن کا کہنا تھا کہ چھوٹی عمر میں انٹرپرینیورشپ کو متعارف کروانا نہ صرف کاروباری جذبے کو پروان چڑھاتا ہے بلکہ تنقیدی سوچ، مسائل کو حل کرنے اور ٹیم ورک جیسی قیمتی مہارتیں بھی پیدا کرتا ہے۔یہ اقدام روایتی تعلیم کے طریقوں سے ایک اہم علیحدگی کی نشاندہی کرتا ہے۔
