ایم ڈی کیٹ امتحانات میں خرابیوں پر سٹوڈنٹس اور پی ایم ڈی سی آمنے سامبے

پی ایم ڈی سی کی جانب سے صوبائی یونیورسٹیز کے ذریعے ایم ڈی کیٹ کا انعقاد ملک بھر کے سٹوڈنٹس کے لیے وبال جان بن گیا، کسی یونیورسٹی میں صبح ہی پرچہ لیک کی خبریں زیر گردش رہیں تو کہیں آؤٹ آف سلیبس سوالات کی بھرمار رہی، جیسے تیسے بچوں نے جب 3 گھنٹے کا امتحان مکمل کیا تو کئی گھنٹے انتظار کے بعد فراہم کی گئی جوابی کاپی بھی غلط نکلی، سٹوڈنٹس نے اپنے جواب میچ کرنے کے لیے جب “کی بک” ملاحظہ کی تو زمین تلے سے زمین کھسک گئی،،، ایک ایک نمبر کے لیے جدوجہد کرنے والے میڈیکل سٹوڈنٹس کے کئی کئی نمبرز صحیح جوابات دینے کے باوجود غلط دکھائی دینے لگے

اب سوال یہ تھا کہ صحیح پرچہ دینے کے باوجود اب آپ کے جوابات کو غلط قرار دے دیا جائے تو اس کا حل کیا ہوگا

سٹوڈنٹس کی جانب سے متعلقہ ادارے یعنی پی ایم ڈی سی کا دروازہ کھٹکھٹایا گیا کالز کی گئیں، بذریعہ ای میلز ثبوت بھی فراہم کیے لیکن اندر سے نہ ہی دروازہ کھولا گیا اور نہ ہی اندر سے کسی کی موجودگی کی اطلاع ہی دینا مناسب سمجھا گیا

سٹوڈنٹس کی جانب سے آج کے دور کے ڈیجیٹل ہتھیار یعنی ڈیجیٹل میڈیا کا استعمال کرنے کا فیصلہ ہوا اور ایک دو تین سے تعداد بڑھ کر ہزاروں میں پہنچی اور سوشل میڈیا ایپ ایکس پر مطالبات سے بھرپور ٹرینڈ #mdcat2023 ٹاپ ٹرینڈز میں شامل ہوگیا

آخر سٹوڈنٹس مطالبہ کیا کر رہے ہیں؟؟؟

یہ بات معلوم کرنے کے لیے کہ آخر سٹوڈنٹس کے مطالبات ہیں کیا یا ان کے پاس ایسے کونسے ثبوت ہیں جو ان کو کھوئے ہوئے نمبرز کو واپس دلانے میں معاون ثابت ہوسکتے ہیں ہم نے ٹرینڈ پر موجود متعدد پوسٹس کا جائزہ لیا

حسن نامی ایم ڈی کیٹ سٹوڈنٹ کی جانب سے دعوی کیا گیا کہ اسلام آباد کی شہید ذوالفقار علی بھٹو میڈیکل یونیورسٹی کی جانب سے وفاق میں ہونے والے امتحان میں 20 سے 30 ایم سی کیوز میں مسائل ہیں

https://twitter.com/HassanA76789133/status/1701471027472019503?t=ythu_EYidFLF6BRiSJJNhg&s=19

حارث نامی صارف کی جانب سے واٹس ایپ پر بھیجے گئے کچھ سوالنامہ پیپر کے سکرین شارٹس کے ساتھ دعوی کیا گیا کہ سندھ میں پہلے سے ہی کچھ مخصوص بچوں کو سوالنامہ مل چکا تھا جو کہ ان سب کے ساتھ زیادتی ہے جو گزشتہ تین سال سے امتحان کی تیاری کر رہے ہیں

https://twitter.com/harristheboy/status/1701245286448787844?t=zumU2vJp0gv0_L2Aki8FGw&s=19

ارم نصراللہ کی جانب سے پوسٹ میں شہید ذوالفقار علی بھٹو میڈیکل یونیورسٹی کے ایم سی کیوز کی ایک فہرست شئیر کرتے ہوئے کہا گیا کہ کہ یہ لسٹ پی ایم ڈی سی کو دوبارہ چیک کرنے کی ضرورت ہے

https://twitter.com/iram_nasarullah/status/1700855942345269699?t=H27x03rTBi-pluRQiOqPjA&s=19

ایچ ای سی بلوچستان اینڈ فاٹا کے نام سے بنائے گئے اکاونٹ نے ڈپٹی چیئرمین سینیٹ مرزا محمد آفریدی کو درخواست کی کہ وہ ایم ڈی کیٹ کی غلط کیز کے حوالے سے معاملات کا نوٹس لیں

https://twitter.com/hecmedical/status/1701563191623368976?t=RO7ZR4w8ugq6B2wViqVWkw&s=19

فاطمہ مبشر کی جانب سے یونیورسٹی آف ہیلتھ سائنسز کے سوالنامہ کو چیلنج کرتے ہوئے لکھا گیا کہ ان کے 5 سے 6 سوال غلط تھے انہوں نے سوال اٹھایا کہ سٹوڈنٹس اس نظام تعلیم پر کس طرح سے بھروسہ کریں گے

https://twitter.com/fatima_mobasher/status/1701096143239909753?t=QKNzjE7rDYWOO4Y_GLkuDw&s=19