, ہائیر ایجوکیشن کمیشن نے ہونہار طالب علموں کے لیے ہنگری کے تعاون سے اسٹیپینڈم ہنگریکم اسکالرشپ پروگرام 25-2024 کا اعلان کر دیا ہے۔ اس اسکالرشپ پروگرام کے ذریعے طلباء ہنگری میں انڈرگریجویٹ، ماسٹرز، ون ٹاٸر ماسٹرز، پی ایچ ڈی اور نان ڈگری پروگرام کے لیے درخواست دے سکتے ہیں۔ اس اسکالرشپ پروگرام کے لیے منتخب کیے جانے والے طلباء کو مکمل ٹیوشن فیس، درخواست کی فیس، ماہانہ وظیفہ، رہائش، مفت میڈیکل انشورنس اور زندگی میں ایک بار یورپی ممالک میں تعلیم حاصل کرنے کا موقع فراہم کیا جاٸے گا۔
اسٹیپینڈیم ہنگریکم اسکالرشپ دنیا کی سب سے باوقار وظائف میں سے ایک ہے جو طلباء کو ہنگری میں مفت تعلیم حاصل کرنے میں مدد کرتی ہے۔ ہنگری کی یونیورسٹیاں معیاری تعلیم پیش کرتی ہیں اور طلباء کی سہولت کے لیے بہت سستے پیکجز فراہم کرنے کے لیے جانی جاتی ہیں۔ بہت سے بین الاقوامی طلباء یورپ میں تعلیم حاصل کرنا چاہتے ہیں، جس میں ہنگری بہترین اور سستی آپشن ہے۔اسٹیپینڈیم ہنگریکم میرٹ پر مبنی اسکالرشپ پروگرام ہے۔ ہنگری کی حکومت ہنگری اور دیگر ممالک میں تعلیم اور کراس کلچر کو فروغ دینے کے لیے اسٹیپینڈیم ہنگریکم پروگرام 2024 کو فنڈ فراہم کرتی ہے۔
تعلیمی سال 2024 کے لیے بین الاقوامی طلباء کے لیے اعلیٰ یونیورسٹیوں میں تعلیم حاصل کرنے کے لیے 1000+ اسکالرشپس پیش کیے جاتے ہیں۔ کسی بھی طالب علم کو مکمل طور پر فنڈڈ اسٹیپینڈیم ہنگاریکم اسکالرشپ پروگرام 2024-25 کے اس موقع سے ضرور فاٸدہ اٹھانا چاہیے لہذٰا آج ہی درخواست فارم پر کر کے جمع کرواٸیں۔ درخواست دینے سے پہلے، نیچے دی گٸی اسٹیپینڈیم ہنگریکم اسکالرشپ کے متعلق تمام تر تفصیلات جس میں فوائد، معیار، دستاویزات اور درخواست کے عمل کے بارے میں تمام معلومات تفصیلی طور پر بیان کی گٸی ہیں اسے لازمی پڑھیں۔
ایچ ای سی اسٹیپینڈیم ہنگریکم اسکالرشپ 2024-2025 کے متعلق تفصیلات:
ملک:
ہنگری (Hungary)
مالی امداد:
ہنگری کی حکومت (Hungarian Government)
ڈگری کی سطح:
• بیچلرز ڈگری پروگرام
• ماسٹرز ڈگری پروگرام
• ایک درجے کی ماسٹرز ڈگری (One-tier Masters Degree)
• پی ایچ ڈی ڈگری پروگرام
• نان ڈگری پروگرام
پروگرام کا دورانیہ:
• بیچلرز: 2-4 سال
• ماسٹرز: 1.5-2 سال
• ایک درجے کا ماسٹرز: 5-6 سال
• پی ایچ ڈی: 4 سال
• نان ڈگری: 1 سال
اہلیت:
اے جے کے (AJK)/ پاکستانی اور بین الاقوامی طلباء
ایوارڈز کی تعداد:
پاکستانی طلباء کے لیے کل 400 نشستیں۔۔۔
• بیچلرز—200
• ماسٹرز—100
• پی ایچ ڈی—30
• ایم بی بی ایس، بی ڈی ایس(MBBS,BDS)—700 TM
نشستوں کی تقسیم:
• میرٹ: 7.5%
• پنجاب: 50%
• سندھ شہری: 7.6%
• سندھ دیہی: 11.4%
• خیبر پختون خوا: 11.5%
• بلوچستان: 6%
• فاٹا/گلگت بلتستان: 4%
• آزاد جموں و کشمیر: 2%
مالیاتی کوریج:
مکمل طور پر فنڈڈ
آخری تاریخ:
15 جنوری، 2024
ایچ ای سی اسٹیپینڈیم ہنگریکم اسکالرشپ 2024-2025 کی اہلیت کا معیار:
درج ذیل معیار پر پور اترنے والے طلباء اسٹیپینڈیم ہنگریکم اسکالرشپ کے لیے درخواست دینے کے لیے اہل ہیں۔۔۔
١۔ صرف پاکستان اور آزاد جموں و کشمیر سے تعلق رکھنے والے شہری درخواست دے سکتے ہیں۔
٢۔ جو درخواست گزار اپنے موجودہ مطالعاتی پروگراموں/ڈگریوں کے آخری سال میں زیرِ تعلیم ہیں یا نتائج کے منتظر ہیں وہ بھی درخواست دے سکتے ہیں۔
٣۔ بیچلرز (انڈر گریجویٹ پروگرامز) اور ون ٹائر ماسٹرز ڈگری پروگرامز جیسے: DVM، DPharm، Medicine، Dentistry وغیرہ میں صرف وہ طلباء داخلہ لے سکتے ہیں جن کی 01 اگست، 2024 سے پہلے HSSC، انٹرمیڈیٹ یا اس کے مساوی ڈگری مکمل ہو جاٸے گی۔ تاہم 01 اگست، 2024 سے پہلے ایچ ای سے https://apply.stipendiumhungaricum.hu/ کے پورٹل پر حتمی ڈگری یا ٹرانسکرپٹ جمع نہ کرانے کی صورت میں اسکالرشپ ایوارڈ منسوخ کر دیا جائے گا۔
٤۔ ماسٹرز پروگرامز (پوسٹ گریجویٹ پروگرامز) کے لیے، درخواست دہندہ نے 01 اگست 2024 سے پہلے 16 سال بیچلر/یا اس کے مساوی ڈگری مکمل کر لی ہو ۔ تاہم 01 اگست، 2024 سے پہلے ایچ ای سے https://apply.stipendiumhungaricum.hu/ کے پورٹل پر حتمی ڈگری یا ٹرانسکرپٹ جمع نہ کرانے کی صورت میں اسکالرشپ ایوارڈ منسوخ کر دیا جائے گا۔
٥۔ پی ایچ ڈی پروگراموں میں داخلہ لینے کے لیے، درخواست دہندہ نے 17/18 سال ماسٹرز/MS/MPhil ڈگری/یا اس کے مساوی 01 اگست 2024 سے پہلے مکمل کر لیا ہو۔ تاہم 01 اگست، 2024 سے پہلے ایچ ای سے https://apply.stipendiumhungaricum.hu/ کے پورٹل پر حتمی ڈگری یا ٹرانسکرپٹ جمع نہ کرانے کی صورت میں اسکالرشپ ایوارڈ منسوخ کر دیا جائے گا۔
٦۔ ہنگریکم اسکالرشپ پروگرام کے تحت طلباء کو انڈرگریجویٹ انجینئرنگ پروگرامز پیش نہیں کیے جا رہے لیکن ماسٹرز اور پی ایچ ڈی انجینئرنگ پروگرامز پیش کیے جا رہے ہیں۔
٧۔ ہنگریکم اسکالرشپ کے لیے درخواست دینے کے لیے عمر کی کوئی حد مقرر نہیں ہے۔ تاہم، انڈرگریجویٹ پروگراموں کے لیے کم از کم اہل عمر کی حد 18 سال ہے۔
٨۔ درخواست گزار ہنگری اور HEC دونوں کے درخواست فارم کی تمام فیلڈز کو لازمی پُر کریں اور کوئی کالم یا فیلڈ خالی نہ چھوڑیں۔
٩۔ درخواست فورم کے ساتھ جو سرٹیفکیٹس/ٹرانسکرپٹس/ڈگریز منسلک کی جائیں گی وہ IBCC اور HEC سے تصدیق شدہ ہونی چاہیے۔ بیچلرز (انڈر گریجویٹ پروگرامز) اور ون ٹائر ماسٹرز ڈگری پروگرامز کے لیے IBCC سے او اینڈ اے لیول (O & A Level) کا مساوی ہونا لازمی ہے۔
١٠۔ اگر ہنگری کی یونیورسٹی کی طرف سے IELTS یا TOEFL اسکورز کی پیشکش کی جاتی ہے تو درخواست گزار کو ٹیسٹ اسکور جمع کروانا پڑے گا۔
١١۔ درخواست گزار کو میڈیکل سرٹیفکیٹ جمع کرانا ہو گا (جو 15 نومبر، 2023 سے پہلے جاری نہ کیا گیا ہو)۔ میڈیکل سرٹیفیکیٹ ڈاٶن لوڈ کرنے کے لیے یہاں کلک کریں یا اس لنک پر جاٸیں: tka.hu/docs/palyazatok/mandatory_medical_certificate_template.pdf
اس سرٹیفیکیٹ کو جمع کرانے کا مقصد یہ ثابت کرنا ہے کہ درخواست گزار کو AIDS، ہیپاٹاٸٹس اے/بی/سی یا کسی قسم کی دوسری بیماری لاحق نہیں ہے۔
١٢۔ حتمی انتخاب (final selection) کی صورت میں، درخواست گزار کو قانونی کاغذ (legal paper) پر ایک بانڈ (bond) ایچ ای سی کو جمع کرانا ہوگا کہ وہ اسکالرشپ کے حتمی ایوارڈ کے بعد نظم و ضبط (discipline) کو تبدیل نہیں کرے گا اور اپنی ڈگری مکمل کرنے کے فوراً بعد پاکستان واپس آجائے گا۔ ایسا نہ کرنے کی صورت میں درخواست گزار کو HEC کی طرف سے تجویز کردہ جرمانے کی رقم ادا کرنی پڑے گی۔
١٣۔ درخواست گزار کو میزبان ہنگری یونیورسٹی، ٹیمپس پبلک فاؤنڈیشن اور ہائر ایجوکیشن کمیشن آف پاکستان کی طرف سے مقرر کردہ تمام ضروریات کو پورا کرنا ہوگا۔
١٤۔ درخواست گزار کو USAT یا HAT ٹیسٹ اسکور لازمی جمع کرانا ہو گا۔ جن طلباء نے USAT یا HAT ٹیسٹ میں 100 میں سے کم از کم 50 اسکور حاصل کیے ہوں گے صرف وہ درخواست دے سکتے ہیں۔ جن طلباء نے 01 جنوری 2022 کو یا اس کے بعد USAT یا HAT ٹیسٹ دیا تھا وہ HEC پورٹل پر ٹیسٹ کا نتیجہ اپ لوڈ کر سکتے ہیں۔ جنہوں نے ابھی تک USAT یا HAT ٹیسٹ نہیں دیا https://etc.hec.gov.pk/ پر جا کر ٹیسٹ کے لیے اندراج کروا سکتے ہیں۔ USAT یا HAT ٹیسٹ کے لیے رجسٹریشن کرانے کی آخری تاریخ 17 جنوری، 2024 ہے جبکہ یہ ٹیسٹ 28 جنوری، 2024 کو منعقد کیا جاٸے گا۔
١٥۔ ابتدائی اسکریننگ/اسکروٹنی (screening/scrutiny) USAT یا HAT ٹیسٹ سکور کی بنیاد پر اور وفاقی حکومت کی کوٹہ پالیسی کے مطابق کی جائے گی۔ اگرچہ ایچ ای سی کو نامزدگی کے معیار میں ترمیم کا حق حاصل ہے۔
نوٹ : کسی بھی پیشہ ورانہ ڈگری (میڈیکل، انجینئرنگ، نرسنگ، آرکیٹیکچر، لاء، ویٹرنری میڈیسن وغیرہ) کے لیے درخواست دینے والے طالب علموں کی یہ واحد ذمہ داری ہے کہ وہ پہلے متعلقہ کونسلز جیسے: پاکستان میڈیکل کمیشن (PMC) ، پاکستان انجینئرنگ کونسل (PEC)، پاکستان نرسنگ کونسل (PNC)، پاکستان کونسل برائے آرکیٹیکٹس اینڈ ٹاؤن پلانرز (PCATP)، پاکستان بار کونسل (PBC)، پاکستان ویٹرنری میڈیکل کونسل (PVMC)، پاکستان ٹیکنالوجی کونسل وغیرہ سے اپنی ایکریڈیشن (accreditation) کی تصدیق لازمی کروائیں۔
نااہلی کا معیار:
درج ذیل صورتوں میں درخواستوں پر غور نہیں کیا جاٸے گا۔۔۔
١۔ دوہری شہریت رکھنے والے پاکستانی درخواست نہیں دے سکتے۔
٢۔ نامکمل معلومات یا غلط بیانی کرنے پر ایچ ای سی کی جانب سے درخواست منسوخ کر دی جاٸے گی چاہے اسکالرشپ دینے کے بعد غلط بیانی کی نشاندہی ہی کیوں نہ کی گئی ہو۔
چینی گورنمنٹ اسکالرشپ پروگرام 2024-2025 کے متعلق تفصیلات جاننے کے لیے یہاں کلک کریں۔
اسٹیپینڈم ہنگریکم اسکالرشپ 2024-2025 کے مالیاتی فواٸد:
• اس اسکالرشپ پروگرام کے لیے منتخب کیے جانے والے طلباء کی ٹیوشن فیس ٹیمپس پبلک فاؤنڈیشن کی طرف سے ادا کی جاٸے گی۔
• رہائش اور صحت کی مالی اعانت (funding provisions) کی فراہمی اسکالرشپ ہولڈرز کے رہنے کے اخراجات میں صرف ایک شراکت (contribution) ہے۔ اس کا مطلب یہ ہے کہ ہنگریکم اسکالرشپ پروگرام کے ذریعے اسکالرشپ ہولڈرز کے تمام اخراجات کو مکمل طور پر پورا نہیں کیا جاٸے گا اور طلباء کو ہنگری میں رہنے کے تمام اخراجات خود اٹھانے پڑیں گے۔
• انڈرگریجویٹ، ون ٹاٸر ماسٹرز، ماسٹرز اور پی ایچ ڈی ڈگری پروگرامز میں داخلہ لینے والے طلباء کو جو مالی فواٸد حاصل ہوں گے، اس کے متعلق مزید تفصیلات جاننے کے لیے نیچے دی گٸی تصویر دیکھیں:
• درخواست گزار اپنی درخواست جمع کرانے سے پہلے اس بات کو یقینی بناٸیں کہ وہ ہنگری کے جس شہر میں رہنا چاہتے ہیں وہاں کے رہائشی اخراجات کے متعلق تمام تر تفصیلات لازمی چیک کریں۔ آپ نیچے دیے گئے لنک پر جا کر بھی cost of living calculator چیک کر سکتے ہیں: http://www.studyinhungary.hu/living-in-hungary/menu/your-costs-of-living.html
اسٹیپینڈم ہنگریکم اسکالرشپ 2024 کے دستیاب/ پیش کردہ پروگرامز کی تفصیلات:
• درخواست گزار صرف انڈرگریجویٹ، ون ٹاٸر ماسٹرز، ماسٹرز، پی ایچ ڈی، نان ڈگری پروگرامز اور مخصوص شعبوں کے لیے درخواست دینے کے اہل ہیں، جیسا کہ ایچ ای سی نے بیان کیا ہے اور اس کا تعین ہنگری اور بھیجنے والے پارٹنر یعنی ہائر ایجوکیشن کمیشن آف پاکستان کے درمیان تعلیمی تعاون کے پروگراموں میں بھی ہوتا ہے۔
• تمام ڈگری پروگراموں اور مطالعاتی شعبوں کے متعلق مزید معلومات جاننے کے لیے یہاں کلک کریں یا براہ کرم درج ذیل ویب سائٹ ملاحظہ کریں:
https://stipendiumhungaricum.hu/study-finder/ ،
(نوٹ: تاہم، درخواست گزار کو ہدایت کی جاتی ہے کہ وہ صرف مخصوص ڈگری پروگراموں اور HEC کی طرف سے بیان کردہ مخصوص مطالعاتی شعبوں میں درخواست دیں)۔
• ایچ ای سی کے منظور شدہ مطالعہ کے شعبوں کے بارے میں جاننے کے لیے یہاں کلک کریں یا اس لنک پر جاٸیں:
https://www.hec.gov.pk/english/scholarshipsgrants/lao/SHSP/Documents/Study%20fields_Annex_A.xlsx
• پاکستان میڈیکل کمیشن کے ذریعہ فہرست اے ممالک کے مطابق میڈیسن اور دندان سازی کے ڈگری پروگرام ذیل میں دیئے گئے ہیں:
١۔ یونیورسٹی آف سیزڈ، فیکلٹی آف میڈیسن، ہنگری
ویب سائٹ:
http://www.med.u-szeged.hu/fs
٢۔ سیمیل ویز یونیورسٹی، فیکلٹی آف میڈیسن، ہنگری
ویب سائٹ: https://semmelweis.hu/english/
٣۔ یونیورسٹی آف ڈیبریسن، فیکلٹی آف میڈیسن، ہنگری
ویب سائٹ: https://www.edu.unideb.hu/index.php
٤۔ یونیورسٹی آف پیکس، میڈیکل اسکول، ہنگری
ویب سائٹ: https://international.pte.hu/
نوٹ: درخواست گزار کے میرٹ کا تعین ان کے پہلے انتخاب کے پروگرام کی بنیاد پر کیا جائے گا ۔ طلباء کو ہنگری پہنچنے کے بعد سٹڈی فیلڈ کو higher merit discipline میں تبدیل کرنے کی بلکل اجازت نہیں دی جاٸے گی۔
اسٹیپینڈم ہنگریکم اسکالرشپ 2024-2025 کے لیے درکار دستاویزات:
آپ کو ہنگری میں کے لیے درج ذیل دستاویزات تیار کر کے اپ لوڈ کرنے کی ضرورت ہے:
١۔ آن لائن درخواست فارم
٢۔ حوصلہ افزائی کا خط
٣۔ زبان کی مہارت کا ثبوت (منتخب کردہ اسٹڈی پروگرام کی زبان میں یا ہنگری میں ان کے تراجم)
٤۔ اسکول کے سرٹیفکیٹ (منتخب کردہ اسٹڈی پروگرام کی زبان میں یا ہنگری میں ان کے تراجم)
٥۔ ریکارڈز کی نقل (منتخب کردہ اسٹڈی پروگرام کی زبان میں یا ہنگری میں ان کے تراجم)
٦۔ میڈیکل سرٹیفیکیٹ
٧۔ پاسپورٹ کی کاپی
٨۔ ٹیمپس پبلک فاؤنڈیشن ہنگری کے آن لائن سسٹم میں درخواست کے لیے بیان
ان دستاویزات کی مزید تفصیلات نیچے دی گٸی تصویر میں بیان کی گٸی ہیں۔ براہ کرم دستاویزات بنانے سے پہلے نیچے دی گٸی تصویر لازمی دیکھیں:
• ڈاکٹریٹ ڈگری پروگرام میں داخلہ لینے والے طلباء کو ان دستاویزات کے ساتھ چند اضافی دستاویزات بھی جمع کروانے پڑیں گے جس کی تفصیلات نیچے تصویر میں دی گٸی ہیں:
اسٹیپینڈم ہنگریکم اسکالرشپ 2024-2025 کے لیے درخواست کیسے دی جاٸے؟
درخواست گزار کو ہنگری اور HEC دونوں کی ویب سائٹس پر آن لائن درخواست جمع کرانی ہو گی ۔ ابتدائی مرحلے میں درخواستوں اور دیگر دستاویزات کی ہارڈ کاپیاں ضرورت نہیں ہیں۔ تاہم، درخواست گزار تمام دستاویزات اور درخواستوں کی پرنٹ شدہ کاپیوں (ایچ ای سی اور ہنگری کی ویب سائٹ پر جمع کراٸی گٸی) کا ریکارڈ اپنے پاس رکھے۔
انتخابی عمل کے بعد کے مرحلے میں، درخواست گزار کو تمام اصلی دستاویزات کی تصدیق شدہ فوٹو کاپیوں کے ساتھ ہارڈ کاپیاں جمع کرانے کی ضرورت ہوگی۔ اصل میڈیکل سرٹیفکیٹ اور پولیس کلیئرنس سرٹیفکیٹ بھی درخواست کے عمل کے بعد کے مراحل میں جمع کیے جاٸیں گے۔ درخواست دینے کے لیے نیچے دیے گٸے مراحل پر عمل کریں۔۔۔
مرحلہ ١:
• سب سے پہلے طلباء کو ہنگری کی ویب سائٹ پر درخواست دینا ہوگی ۔ ہنگری کی ویب ساٸٹ پر درخواست دینے کے لیے یہاں کلک کریں یا نیچے دیے گٸے لنک پرجاٸیں:
https://stipendiumhungaricum.hu/apply/
• درخواست فارم کو مکمل طور پر پُر کریں اور تمام ضروری دستاویزات اپ لوڈ کریں اور فارم جمع کرانے کے بعد اسکا پرنٹ نکال کر اپنے پاس رکھیں۔
مرحلہ ٢:
• ایچ ای سی کی ویب سائٹ پر آن لائن درخواست دیں۔ ایچ ای سی کی ویب ساٸٹ پر درخواست دینے کے لیے یہاں کلک کریں یا نیچے دیے گٸے لنک پرجاٸیں:
https://scholarship.hec.gov.pk/#/auth/login
• اپنی Profile رجسٹر کرنے اور پُر کرنے کے بعد، براہ کرم “ہنگریئن اسکالرشپ پروگرام” کو منتخب کریں۔
• درخواست جمع کرانے کے بعد، درخواست گزار کے دستخط کے لیے اس کی پرنٹ شدہ کاپی حاصل کریں۔
ضروری ہدایات:
• درخواست دینے سے پہلے، براہ کرم تازہ ترین ای میل/سیل نمبر اور تازہ ترین معلومات کے ساتھ اپنے HEC پروفائل کو اپ ڈیٹ کریں۔اپنی درخواست کو جلد از جلد مکمل کر کےجمع کرائیں، کیونکہ آن لائن درخواست کا نظام آخری تاریخ تک آنے والے دنوں میں بہت مصروف ہو گا۔ ایچ ای سی پورٹل پر درخواست کامیابی سے جمع کرانے کے بعد، اپنے دستخط/ پرنٹ شدہ درخواست فارم کو اپنے پاس رکھیں۔
• مندرجہ بالا دونوں پورٹلز میں سے کسی پر بھی فارم جمع نہ کرانے کی صورت میں درخواست پر غور نہیں کیا جائے گا اور اسے مسترد کر دیا جاٸے گا۔
اسٹیپینڈیم ہنگریکم اسکالرشپ 2024 کے لیے درخواست کی ٹائم لائن:
• 15 جنوری، 2024—ہنگری کو درخواست جمع کرانے اور پارٹنر کو بھیجنے کی آخری تاریخ
• 28 فروری، 2024— نامزدگی کا عمل شروع
• مارچ کے مڈ میں— دوسرا انتخابی عمل
• 15 اپریل، 2024—میڈیکل سرٹیفکیٹ جمع کرانے کی تاریخ
• جون 2024 کے مڈ میں— نتائج کا اعلان
•جولائی-اگست 2024— ویزا درخواست کا عمل
• 30 ستمبر، 2024—ہنگری میں آمد
اسٹیپینڈم ہنگریکم اسکالرشپ 2024-2025 کی آخری تاریخ/ ڈیڈ لاٸن :
اسٹیپینڈیم ہنگریکم اسکالرشپ 2024 کے لیے درخواست دینے کی آخری تاریخ 15 جنوری 2024 ہے۔ آن لاٸن پورٹل پاکستانی وقت کے مطابق 16:00 بجے بند ہو جاٸے گا۔
لہٰذا اگر آپ بھی انڈرگریجویٹ، ون ٹاٸر ماسٹرز، ماسٹرز یا پی ایچ ڈی کی تعلیم ہنگری جا کر کرنا چاہتے ہیں تو وقت ضاٸع کیے بغیر جلد از جلد اوپر بتاٸے گٸے طریقہ کار کو فالو کریں اور آن لاٸن درخواست جمع کرواٸیں۔ ہنگری کے پورٹل پر درخواست جمع کرانے کے لیے نیچے ”ہنگری پورٹل“ پر کلک کریں اور ایچ ای سی کے پورٹل پر درخواست جمع کرانے کے لیے نیچے ”ایچ ای سی (HEC) پورٹل“ پر کلک کریں۔
