گزشتہ روز ملک بھر میں پی ایم سی کے زیر اہتمام ہر صوبے کی یونیورسٹی کی جانب سے 2 لاکھ 4 ہزار سے زائد سٹوڈنٹس کے ایم ڈی کیٹ امتحان کا مرحلہ مکمل ہوگیا
اس حوالے سے پاکستان میڈیکل کمیشن حکام مطمئن نظر آئے اور ان کی جانب سے کہا گیا کہ ملک بھر کی طرح بیرون ملک بھی بغیر کسی تاخیر کے ساڑھے تین گھنٹے پر مشتمل ٹیسٹ انجام کو پہنچا اور ان کو اب تک کسی بھی قسم کی شکایات موصول نہیں ہوئیں
دوسری جانب گزشتہ روز ایم این بی اردو mnburdu.com کی جانب سے جب سٹوڈنٹس کے مسائل جاننے کے لیے اب کے ساتھ ایک آن لائن سیشن رکھا گیا تو ان کی جانب سے شکایات کے انبار لگا دئیے گئے
https://twitter.com/MNBUrdu/status/1591830908780568576?t=tllyXNaBWjRwSm6TeEHmuA&s=19
سیشن میں سٹوڈنٹس جذباتی انداز میں اپنے مستقبل کو خطرہ ہونے کے حوالے سے بات کرتے رہے ان کی جانب سے بتایا گیا کہ پی ایم سی کی جانب سے وعدہ کیا گیا تھا کہ ٹیسٹ قومی سلیبس سے آئے گا جس کے مطابق تمام سٹوڈنٹس کی جانب سے تیاری مکمل کی گئی تھی تاہم حقیقت میں جب سوالنامہ پیپر ہاتھ میں آیا تو سب وعدوں کے برعکس تھا
ان کی جانب سے کہا گیا کہ کئی سینٹرز میں جوابی کاپی سٹوڈنٹس کو تاخیر سے دی گئی جبکہ امتحان مکمل ہونے سے پہلے ہی ان سے جوابی کاپی واپس لے لی گئی اس کے ساتھ ساتھ امتحان میں سلیبس سے ہٹ کے آنے والے سوالات سے سٹوڈنٹس دوران پیپر سر پکڑ کر بیٹھے رہے
سٹوڈنٹس کے ساتھ ساتھ ان کے والدین، ڈاکٹرز اور اراکین اسمبلی کی جانب سے بھی سیشن میں شرکت کی گئی جن کی جانب سے پی ایم سی پر زور دیا گیا کہ وہ سٹوڈنٹس کی جانب سے نشاندہی والے تمام ایشوز پر فی الفور ایک پوسٹ ایگزامینیشن انالیسز میٹنگ بلائیں اور تمام مسائل کو فی الفور تدارک کریں تاکہ سٹوڈنٹس اگلے مرحلے میں میڈیکل کالجز میں داخلہ یقینی بنا سکیں
میٹنگ میں ممکنہ طور پر پی ایم سی کے نمائندگان بھی موجود رہے جن کی جانب سے سٹوڈنٹس کی جانب سے اٹھائے گئے تمام سوالات کو نوٹ کیا گیا جبکہ صدر پاکستان میڈیکل کمیشن ڈاکٹر نوشاد احمد شیخ کی جانب سے کل پوسٹ ایگزامینیشن انالیسز میٹنگ بلا لی گئی جس میں ان کی جانب سے تمام مسائل کو دیکھنے کی یقین دہانی کروائی گئی
