پاکستان کرکٹ بورڈ نے فاسٹ بولرز حارث رؤف، زمان خان اور اسپنر اسامہ میر کو بگ بیش لیگ کھیلنے کے لیے این او سی ( نو آبجیکشن سرٹیفکیٹ ) جاری کردیا ہے۔
پاکستان کرکٹ بورڈ کے مطابق یہ این او سی ان کھلاڑیوں کے ورک لوڈ اور پاکستان مینز ٹیم کے فیوچر ٹور پروگرام کو مدنظر رکھتے ہوئے جاری کیا گیا ہے۔
پاکستان کرکٹ بورڈ کے مطابق یہ فیصلہ تمام اسٹیک ہولڈرز کے بہترین مفاد میں کیا گیا ہے جس میں گیم ٹائم اور ورک لوڈ منیجمنٹ کے درمیان توازن سب سے زیادہ اہمیت کا حامل ہے۔
حارث رؤف اور اسامہ میر کو پانچ میچوں کے لیے این او سی جاری کیا گیا ہے جبکہ زمان خان کو یہ این او سی چار میچوں کے لیے ہے۔ یہ تمام میچز 7 سے 28 دسمبر کے درمیان ہونے ہیں۔
حارث رؤف نے ورک لوڈ مینجمنٹ کی وجہ سے آسٹریلیا کے خلاف ٹیسٹ سیریز کھیلنے سے انکار کیا تھا جسکی وجہ سے حارث رؤف کو شدید تنقید کا سامنا کرنا پڑا تھا۔
