وفاقی وزیر برائے تعلیم و پیشہ ورانہ تربیت جناب مدد علی سندھی نے اسلام آباد میں انٹر بورڈز کوآرڈینیشن کمیشن (IBCC) کے ہیڈ آفس کا دورہ کیا۔ اپنے دورے کے دوران اُنہیں IBCC کے ایگزیکٹو ڈائریکٹر ڈاکٹر غلام علی ملاح نے ایک جامع بریفنگ دی جس میں اُنہوں نے تنظیم کے اہم مینڈیٹ، افعال، کردار، اور ذمہ داریوں پر روشنی ڈالی۔
نگران وزیرِ تعلیم نے ترقی پسند اور جامع تعلیم کے لیے سازگار ماحول کو فروغ دینے کے حکومت کے عزم پر زور دیتے ہوئے، آئی بی سی سی کی جانب سے متعارف کرائے گئے جاری اقدامات اور اصلاحات کے لیے اپنی حمایت کا یقین دلایا۔
