نگران وفاقی وزیر برائے تعلیم و پیشہ ورانہ تربیت مدد علی سندھی کی جانب سے اسلام آباد ماڈل سکول ایف 6/2 میں سرپرائز دورہ کِیا گیا۔ سکول میں پرنسپل کی غیر موجودگی پر وفاقی وزیر کا اظہار برہمی، نوٹس جاری کر دیا۔
تفصیلات کے مطابق وفاقی وزیرِ تعلیم کی جانب سے سکول کی بنیادی سہولیات کے فقدان اور خستہ حالت پر شدید تشویش کا اظہار کیا گیا۔ مدد علی سندھی نے کہا کہ یہ اسلام آباد کا سب سے پرائم لوکیشن کا سکول ہے اور یہاں آ کر یہ پتہ بھی لگنا چاہیے۔
مدد علی سندھی کا کہنا تھا کہ سکول کا پینٹ، پلے گراونڈز اور واش رومز کے حالات دیکھ کر دکھ ہوا۔ گرمیوں کی چھٹیوں میں یہ تمام کام مکمل ہونے چاہیے تھے۔
نگران وزیر تعلیم مدد علی سندھی کی جانب سے سکول انتظامیہ کو تمام سہولیات کی فراہمی اور تزئین و آرائش مکمل کرنے کے لیے ایک ہفتے کا الٹی میٹم دے دیا گیا۔
انہوں نے واضع کیا کہ میں سکولوں کے سرپرائز وزٹ جاری رکھوں گا، امید ہے اسلام آباد کے تمام سکول باقی پاکستان کے لیے ماڈل بنیں گے۔
