میڈیکل سٹوڈنٹس کیلئے ایم ڈی کیٹ کے امتحانات کل ملک بھر میں 13 نومبر کو منعقد ہونے جا رہے ہیں۔ اس موقع پر ترجمان وزارت صحت عبد القادر پٹیل کا کہنا تھا کہ ایم ڈی کیٹ کے امتحان کیلئے تمام تر انتظامات مکمل کر لیے گئے ہیں۔ 2 لاکھ 4 ہزار سے زائد بچے ایم ڈی کیٹ امتحان دینگے۔
امتحانات کی سیکورٹی کے متعلق وزیر صحت کا کہنا تھا کہ سیکورٹی کو یقینی بنانے کیلئے چاروں صوبوں، آزاد کشمیر، اور گلگت بلتستان اور اسلام آباد کی پولیس اور قانون نافذ کرنے والی ایجنسیز کی کوششیں قابل ستائیش ہیں۔ امتحانات کو احتساب ،شفافیت، میرٹ اور صوبوں کے نصاب کو مد نظر رکھتے ہوئےصوبوں کی پبلک سیکٹر میڈیکل یونیورسٹیز کو دیا گیا ہے۔ جبکہ آزاد جموں وکشمیر گلگت بلتستان کے طلبا اور طالبات کے انٹری ٹیسٹ شہید ذوالفقار علی بھٹو میڈیکل یونیورسٹی کروارہی ہے۔
مزید اس پہ ان کا کہنا تھا کہ رواں سال اسلام آباد سے 21188 امیدوار ان امتحان میں شامل ہو رھے ہیں ۔ جن میں 14656 طالبات اور 6532 طلباء شاملِ ہیں۔ ان کیلئے بارانی زرعی یونیورسٹی اور علامہ اقبال اوپن یونیورسٹی سمیت فیڈرل ایجوکیشن ڈائریکٹوریٹ کے اٹھارہ تعلیمی اداروں کو بطور امتحانی مرکز نامز د کیا گیا ہیں۔
عبدالقادر پٹیل کا کہنا تھا کہ ایم ڈی کیٹ کے سٹوڈنٹس کی زیادہ تعداد بین الاقوامی سطح پر متحدہ عرب امارات اور سعودی عرب میں ہے۔ جس کی وجہ سے وہاں پر بھی ایک ہی دن اور وقت پرامتحان لیے جائیں گے۔ بین الاقوامی سینٹرز میں امتحان دینے والے طلبا کی تعداد 462 ہے۔
امتحانات کی نگرانی سے متعلق بات کرتے ہوئے ان کا کہنا تھا کہ پی ایم سی کا عملہ اور صوبائی اور وفاقی میڈیکل یونیورسٹیز کے وائس چانسلرز امتحانات کی خود نگرانی کریں گے۔ آنے والا وقت ثابت کرے گا کے میڈیکل کی تعلیم ریسرچ اور پروفیشن کو سب سے زیادہ اہمیت ان چھ مہینوں میں ملی وہ گزشتہ چار سالوں میں نہیں ملی تھی۔
