قومی ادارہ صحت نے موسمی فلو (Influenza) سے متعلق ایڈوائزری (Advisory) جاری کر دی ایڈوائزری موسمی فلو کی پیشگی روک تھام کےلئے صحت کے متعلقہ اداروں کو جاری کی گئی ہے۔
ایڈوائزری کے مطابق موسم سرما (دسمبر تا فروری) میں ملک کے مختلف حصوں میں موسمی فلو کے کیسز بڑھنے کا خدشہ ہے، ملک بھر میں قبل از وقت احتیاطی تدابیر اٹھانے اور متحرک رہنے کی ضرورت ہے
ایڈوائزری کے مطابق موسمی فلوایک قابل علاج بیماری ہے، اس بیماری کا وائرس کھلی فضا میں کھانسنے یا چھینکنے کی وجہ سے اور مریض کے ہاتھوں کے ذریعے اردگرد کی جگہوں پر پھیل جاتا ہے، جب کوئی صحت مند شخص وہاں سانس لیتا ہے یا متاثرہ چیزوں کو چھوتا ہے تو یہ وائرس اس تک منتقل ہو جاتا ہے
ایڈوائزری کے مطابق عام طور پر بزرگ ، پانچ سال سے کم عمربچے، حاملہ خواتین، قوت مدافعت کی کمی اور دائمی بیماریوں کے شکار افراد کو اس بیماری سے جلد متاثر ہونے کا خطرہ ہے، موسمی فلوسے بچاو کے لئے فلو کی ویکسینیشن (Flu Vaccination) کروائی جا سکتی ہے
ایڈوائزری میں کہا گیا ہے کہ خاص طور پرحاملہ خواتین، قوت مدافعت کی کمی کے شکار اور دائمی بیماریوں میں مبتلا مریض اور ہیلتھ کئیر ورکرز ویکسینیشن ضرور کروائیں, حفظان صحت کے اصولوں پر عمل کر کے ، ماسک کے استعمال اور فلو ویکسینیشن کے ذریعے اس بیماری سے بچا جا سکتا ہے، قومی ادارہ صحت میں قائم پبلک ہیلتھ ایمرجنسی آپریشن سنٹرباقاعدگی سےسیزنل فلو کی صورتحال کی نگرانی کر رہا ہے
ایڈوائزری کے مطابق حال ہی میں قومی ادارہ صحت نے سیزنل فلو سمیت وبائی امراض سے متعلق صحت عامہ کی آگاہی کے لئے سیزننل الرٹ لیٹر بھی جاری کیا ہے
