بلوچستان کے طلباءکی شکایات کی تحقیقات کے لیے قائم کمیشن کا اجلاس
صوبہ بلوچستان سے تعلق رکھنے والے طلباءکی شکایات کی تحقیقات کے لیے قائم کمیشن کا پہلا اجلاس آج پارلیمنٹ ہاو¿س اسلام آباد میں ہوا
کمیشن کے اجلاس کی صدارت قومی اسمبلی کے رکن اور بلوچستان نیشنل پارٹی(ایم) کے سربراہ سردار اختر مینگل کی۔
کمیشن نے صوبہ بلوچستان سے تعلق رکھنے والے تعلیمی اداروں میں داخلہ لینے والے طلبہ کی جاری شکایات کا نوٹس لیا۔
اجلاس میں ملک بھر کے تمام تعلیمی اداروں میں “نسلی پروفائلنگ”، جبری گمشدگیوں اور ریاستی اہلکاروں کی جانب سے ردعمل کی کمی کے حوالے سے سنگین صورتحال پر بھی تبادلہ خیال کیا گیا۔
اجلاس نے کمیشن کی تشکیل کے لیے ہائی کورٹ کے فیصلے کو سراہا جس کو آئینی طور پر ضمانت شدہ حقوق کی سنگین خلاف ورزیوں کی تحقیقات کا مینڈیٹ دیا ہے
کمیشن کے پینل نے دیے گئے مینڈیٹ کے تحت مقررہ وقت کے اندر اپنا کام مکمل کرنے کے عزم کا اظہار کیا۔
کمیشن نے اس عزم کا اعادہ کیا ہے کہ وفاقی اور صوبائی ہائی کورٹس کے اب تک کے فیصلوں کی روشنی میں معاملے کی چھان بین کی جائے گی ۔
اجلاس میں متفقہ طور پر تمام اسٹیک ہولڈرز سے ایک مخصوص فون نمبر اور ای میل کے ذریعے رائے حاصل کرنے کا فیصلہ کیا گیا۔
تمام اسٹیک ہولڈرزسے رابطوں اور رائے کے حصول کا کام مقررہ مدت میں مکمل کرنے کے عزم کا اظہار کیا۔
ملک بھر کی مختلف یونیورسٹیوں میں داخلہ لینے والے بلوچستان سے تعلق رکھنے والے طلباءنے کمیشن کے ممبران کو اپنی شکایات سے آگاہ کیا
طلبا نے جبری گمشدگیوں، نسلی پروفائلنگ اور ہراساں کیے جانے کے بڑھتے ہوئے واقعات سے متعلق اپنے تحفظات سے کمیشن کو آگاہ کیا۔
کمیشن کے ممبران نے طلباء کو اپنے مکمل تعاون کا یقین دلایا اور فیصلہ کیا کہ معاملے کی گہرائی میں جا کر کوئی راستہ نکالا جائے گا تاکہ بلوچستان کے طلبا کی شکایات کا ازالہ ہو سکے۔
کمیشن کے شرکا سے رائے لیتے ہوئے پینل کے کنوینر نے کمیشن کی اگلے اجلاس میں چیئرمین ایچ ای سی اور متعلقہ یونیورسٹوں کے وائس چانسلرز کو بلانے کا ارادہ ظاہر کیا۔
اجلاس میں سینیٹرز رضا ربانی، کامران مرتضیٰ،مشاہد حسین سید، سابق رکن سینیٹ افراسیاب خٹک ، پی ٹی آئی کے جنرل سیکرٹری اسد عمر اور ناصر محمود کھوسہ نے شرکت کی۔
اجلاس میں سابق چیف سیکرٹری بلوچستان، پروفیسر ڈاکٹر عاصمہ فیض، مشتاق احمد گورمانی سکول آف ہیومینٹیز اینڈ سوشل سائنسز، لاہور یونیورسٹی آف مینجمنٹ سائنسز کے نمائندوں نے بھی شرکت
کمیشن کے اجلاس میں وزارت داخلہ،وزارت انسانی حقوق کے حکام کے علاوہ مختلف اداروں کے حکام بھی موجود تھے ۔
