پاکستانی ہائیر ایجوکیشن کمیشن ایچ ای سی کے مطابق سعودی حکومت کا پاکستانی طلباء کے لیے ڈپلومہ کی سطح پر بیچلرز ، ماسٹرز اور پی ایچ ڈی کرنے کے لیے مختلف سکالرشپ کا اعلان اور تقریباً 25 یونیورسٹیز میں مختلف فیلڈز کے لوگوں کو اسکالرشپ فراہم کی جائیگی
ایچ ای سی کے مطابق یہ سکالر شپس(وظائف) پولیٹیکل سائنس،قانون، ایجوکیشن، ایڈمنسٹریشن ،معاشیات، انجینئرنگ، کمپیوٹر سائنس،ایگریکلچر، عربی/اسلامک سٹڈیز اور میڈیا سائنس میں دیے جا رہے ہیں۔
اسکالرشپ کے تحت اپکے تمام اخراجات سعودی حکومت اور HEC برادشت کریگی تاہم شادی شدہ لوگ فیملی بھی ساتھ لے کے جاسکتے ہیں
سعودی سکالر شپس: پاکستانی طلبہ درخواست کیسے دیں؟
ایچ ای سی کے مطابق ہر سعودی یونیورسٹی مجموعی داخلوں میں سے پانچ فیصد غیر ملکی طلبہ کو سکالرشپ دے گی، تاہم جامعہ امیرہ نورہ بنت عبدالرحمٰن برائے خواتین مجموعی داخلوں کا آٹھ فیصد اور جامعہ اسلامیہ مدینہ منورہ 85 فیصد سکالر شپ دے گی۔
ہر یونیورسٹی ان درخواستوں کو سعودی وزارت تعلیم کو بھیجے گی، جو اہل طلبہ کی سکالرشپ کے حوالے سے فیصلہ کرے گی۔
کسی بھی سعودی یونیورسٹی میں داخلے کے لیے پاکستانی طلبہ کو کرنا یہ ہے کہ انہیں اپنی مطلوبہ یونیورسٹی کی ویب سائٹ پر جاکر اپلائی کرنا ہے اور پھر اس درخواست کو ڈاؤن لوڈ کرکے پاکستانی سفارت خانے کو ای میل ایڈریس parepriyadh@mofa.gov.pk پر بھیجنا ہوگا، جس کے بعد سفارت خانہ ان درخواستوں کی منظوری کے لیے متعلقہ جامعات اور سعودی وزارت تعلیم سے رابطہ کرے گا
کون ان سکالر شپس کے لیے اپلائی کرسکتا ہے؟
پاکستانی شہری یا پاکستان کے زیر انتظام کشمیر کے شہری۔
پاکستان میں رہائش پذیر طلبہ کے لیے سکالر شپ کی شرح 75 فیصد جبکہ سعودی عرب میں رہنے والے پاکستانیوں کے لیے یہ شرح 25 فیصد ہوگی۔
مرد اور خواتین دونوں سکالر شپس کے لیے درخواست دے سکتے ہیں۔
داخلوں کی آخری تاریخ کے وقت بیچلرز پروگرام کے لیے اپلائی کرنے والے درخواست گزار کی عمر 17 سے 25 سال، ماسٹرز کے لیے اپلائی کرنے والوں کی عمر 30 سال جبکہ پی ایچ ڈی کے لیے عمر 35 سال سے کم ہونی چاہیے۔
۔ یہ ضروری ہے کہ اپلائی کرنے والا طالب علم کسی اور ادارے سے سکالرشپ نہ لے رہا ہو۔
۔ درخواست گزار کسی قسم کا مجرمانہ ریکارڈ نہ رکھتا ہو۔
۔ درخواست گزار کو ڈسپلن کی خلاف ورزی یا کسی بھی وجہ سے کسی تعلیمی ادارے سے معطل نہ کیا گیا ہو۔
۔ داخلہ حاصل کرنے والے طلبہ کے لیے پروگرام کا آغاز ہر سال ستمبر/ اکتوبر میں ہوگا۔
سکالرشپ کے کیا فوائد ہوں گے؟
سکالرشپ کے تحت سٹوڈنٹس کو مفت رہائش فراہم کی جائے گی۔
۔ وہ طلبہ و طالبات جو شادی شدہ ہوں، انہیں تین ماہ کی سکالر شپ کے برابر رہائشی الاؤنس دیا جائے گا۔
وطن آنے جانے کے لیے ایئر ٹکٹ کی سہولت۔
۔ کسی بیماری کی صورت میں طلبہ اور ان کے اہل خانہ (اگر شادی شدہ ہوں تو) کے لیے علاج معالجے کی مفت سہولت۔
تین ماہ کے سکالر شپ کے برابر کتابوں کا کارگو الاؤنس۔
کیمپس میں رعایتی قیمت پر کھانا۔
کھیلوں اور ہم نصابی سرگرمیوں کی سہولت۔
سائنس کے طلبہ و طالبات کے لیے ماہانہ 900 سعودی ریال جبکہ آرٹس کے طلبہ و طالبات کو 850 سعودی ریال وظیفہ ادا کیا جائے گا
کن یونیورسٹیز میں داخلے لیے جاسکتے ہیں؟
وہ 25 سعودی یونیوسٹیاں جہاں سکالر شپس دی جارہی ہیں، درج ذیل ہیں:
جدہ یونیورسٹیwww.uj.edu.sa
بشاہ یونیورسٹیwww.ub.edu.sa
ام القرہ یونیورسٹیwww.uqu.edu.sa
اسلامک یونیورسٹیwww.iu.edu.sa
امام محمد ابن سعود اسلامک یونیورسٹی www.ksu.edu.sa
کنگ عبدالعزیز یونیورسٹی www.kau.edu.sa
حفار الباطن یونیورسٹیwww.uhb.edu.sa
کنگ فیصل یونیورسٹیwww.kfu.edu.sa
کنگ خالد یونیورسٹی www.portal.kku.edu.sa
قاسم یونیورسٹیwww.qu.edu.sa
طیبہ یونیورسٹیww.taibahu.edu.sa
طائف یونیورسٹیwww.tu.edu.sa
یونیورسٹی آف حائلwww.uoh.edu.sa
جزان یونیورسٹیwww.nu.edu.sa
الجوف یونیورسٹیwww.ju.edu.sa
البہا یونیورسٹیwww.prtal.bu.edu.sa
طبوق یونیورسٹیwww.ut.edu.sa
نجران یونیورسٹیwww.nu.edu.sa
نادرن بارڈر یونیورسٹیwww.nbu.edu.sa
پرنس نورا یونیورسٹیwww.pnu.edu.sa
امام عبدالرحمٰن یونیورسٹی www.iau.edu.sa
پرنس ستام بن عبدالعزیز یونیورسٹی www.psau.edu.sa
شقرا یونیورسٹیwww.sa.edu.sa
کنگ سعود یونیورسٹیwww.ksu.edu.sa
مجمہ یونیورسٹیwww.mu.edu.sa
سٹوڈنٹس ان تمام یونیورسٹیز کی ویب سائیٹ پر جاکر اپنے تعلیمی پروگرام کے تحت داخلے کے لیے اپلائی کر سکتے ہیں
