صدر پاکستان میڈیکل کمیشن ڈاکٹر نوشاد احمد شیخ کی صوبائی میڈیکل کالجوں کے وائس چانسلرز کے مابین ایم ڈی کیٹ حوالے سے ملاقاتیں جاری، وفاقی دارالحکومت اور خیبر پختون خواہ کے میڈیکل کالجز کے وائس چانسلرز کی صدر پی ایم سی سے ملاقات ہوئی
ملاقات میں ایم ڈی کیٹ امتحان کو صوبائی سطح پر کامیابی سے منعقد کروانے پر حکمت عملی پر غور، ایم ڈی کیٹ امتحان 2022 صوبائی سطح پر میڈیکل یونیورسٹیوں کی معاونت سے منعقد کرایا جائے گا۔
ایم ڈی کیٹ امتحان رواں سال نومبر 13 یا 20 نومبر کرانے کی تجویز زیر غور ہے، سندھ، اسلام آباد، اور خیبر پختون خوا کی تمام میڈیکل یونیورسٹیوں کا ایم ڈی کیٹ امتحان 13 نومبر یا 20 نومبر کو کرانے پر اتفاق ہوا
ایم ڈی کیٹ امتحان کا نصاب پہلے والا ہی رہے گا جو پی ایم سی کی ویب سائٹ پر موجود ہے، پی ایم سی کی جانب سے تمام امیدواروں کیلئے پورے ملک میں ایک ہی وقت اور دن پر ایک ہی امتحان کرایا جائے گا، ایم ڈی کیٹ امتحان کا نتیجہ امتحان ختم ہونے کے 7 دنوں بعد بتایا جائے گا، ایم بی بی ایس کی باقاعدہ کلاسز کا آغاز اگلے سال فروری سے شروع کرنے پر غور کیا گیا
صدر پی ایم سی نے کہا کہ مشاورتی اجلاس میں پیش کی جانے والی تمام سفارشات کا حتمی فیصلہ کونسل میٹنگ سے مشروط ہے، معذور طلبا کا کوٹہ ملک بھر کے سرکاری میڈیکل کالجز میں 2 فیصد ہوگا، سال 2021 کے ایم ڈی کیٹ امتحان میں 65 فیصد نمبر سے کم لینے والے طلبا کو دوبارہ امتحان دینا پڑے گا۔
