آخر اے سی نارتھ ناظم آباد حاظم بھنگوار ہی کیوں؟؟؟

Rimsha Kanwal 0 تبصرے

سوشل میڈیا پر جہاں اہم قومی ایشوز پر صارفین کی جانب سے تبصرے جاری ہیں وہیں کراچی کے علاقے نارتھ ناظم آباد میں نئے تعینات ہونے والے اسسٹنٹ کمشنر حازم بنگوار کی تصاویر بے حد وائر ل ہو رہی ہیں اور ان کی وجہ شہرت سرکاری عہدہ نہیں بلکہ ان کے دلچسپ شوق ہیں کیونکہ سول سرونٹس کا خیال ذہن میں آتے ہی شہریوں کے سامنے ایک خیالی تصویر بنتی ہے جس میں نوجوان سوٹ میں موجود ہیں ساتھ گن مین اور پروٹوکول جبکہ اس کیس میں منظر یکسر مختلف ہے، یہ اسسٹنٹ کمشنر ماڈرن سوچ کے نہ صرف حامل ہیں بلکہ ماڈرن دنیا کا ایک اہم حصہ بھی ہیں

بہرحال ان کے اس شوق کی وجہ سے ان کو سوشل میڈیا پر سخت تنقید کے ساتھ ساتھ تعریفی کلمات بھی سمیٹنے کو مل رہے ہیں

صحافی احمد فرحاد لکھتے ہیں کہ

“اسسٹنٹ کمشنر حاظم بھنگوار اپنی جنس کی بنیاد پر نہیں محنت اور قابلیت کی بنیاد پر اس نوکری تک پہنچا ہے ۔ اس سے سوال صرف اس کی کارکردگی اور فرض منصبی کا بنتا ہے ۔ اس کا فیشن اس کے کپڑے اس کے جنسی رجحانات اور اس کی زندگی اس کا ذاتی مسٸلہ ہے، کھاتے پیتے گھرانے کا فارن کوالیفاٸیڈ شخص ہے ۔ فیشن ڈیزاٸنر ہے ،گوروں کے لیے گانے لکھتا رہا ہے اور فلاحی کارکن ہے ۔وہ ایک زندگی سے بھرپور شخص ہے مجھے یقین ہے کہ ایسا شخص اپنی ذمہ داریوں کو کسی کھڑوس سے بہتر انداز میں نبھا سکتا ہے”

جبکہ اسی ٹویٹ کے نیچے کمنٹس میں شہریوں کی جانب سے تنقیدی نشتر بھی برسائے جا رہے ہیں

شہریوں کی جانب سے تنقید کے بعد اے سی صاحب کے کولیگز اور اہم حکومتی شخصیات بھی میدان میں آئیں اور ان کی جانب سے حاظم بھنگوار کے کام کی خوب تعریف کی گئی

حاظم بھنگوار کے سینئر آفیسر ڈی سی سینٹرل کراچی طحہ سلیم بھی بول پڑے، لکھا کہ وہ ان کے ساتھ 2021 سے کام کر رہے ہیں اور انہوں نے ان کو انتہائی ملنسار، شفیق اور محنتی آفیسر پایا

پیپلزپارٹی کے سینئر رہنما مرتضی وہاب نے حاظم بھنگوار کے بارے میں لکھا کہ ہمیں لوگوں کو ان کے کام کی وجہ سے جج کرنا چاہئے نہ کہ ان کی ذاتی زندگی کی وجہ سے

کئی صارفین کی جانب سے حاظم بھنگوار کی وائرل اور منتازعہ تصاویر پر اظہار ناراضگی بھی کیا جا رہا ہے اور ان کے فوٹو شوٹ پر تنقید کی جا رہی ہے

ان کے نام سے بنے ٹویٹر ٹرینڈ میں شہریوں کی مکس رائے سامنے آرہی ہے جبکہ حاظم بھنگوار کی جانب سے دئیے گئے انٹرویو میں ان تمام الزامات کی سختی سے تردید کی گئی ہے کہ وہ ٹرانس جینڈرز کو سپورٹ کرتے ہیں یا وہ خود ٹرانس جینڈر ہیں

صارفین کا اس بات پر زور ہے کہ اسسٹنٹ کمشنر حاظم بھنگوار اپنی جنس کی بنیاد پر نہیں محنت اور قابلیت کی بنیاد پر اس نوکری تک پہنچا ہے

حاظم بھنگوار کون ہے؟؟؟

نارتھ ناظم آباد کے نئے اسسٹنٹ کمشنر حازم بھنگوار کا تعلق سندھ سے ہے۔ تاہم وہ 6 سال کی عمر میں ہی امریکہ چلے گئے تھے، جہاں پر انہوں نے تعلیم مکمل کی۔1993 میں پیدا ہونے والے اسسٹنٹ کمشنر کی والدہ کا تعلق عراق سے ہے۔ اور وہ ایک آرکیٹیکچر ہیں جبکہ ان کے والد پولیس فورس میں ڈی آئی جی کے عہدے پر رہ چکے ہیں۔

زمانہ طالب علمی میں حازم زیادہ وقت سٹوڈیوز میں گزارا کرتے تھے جہاں ان کی توجہ میوزک کی طر ف راغب ہوئی ، انہوں نے 2014 میں ہپ ہاپ گانے لکھ کر انڈسٹر میں توجہ حاصل کی ، وہ جیسی جے ،فیوچر، کیارا ، نکی مناج جیسے کلاقاروں کیلئے کئی گیت لکھے

پاکستان مینجمنٹ سروس 2018 کے امتحان میں کامیابی حاصل کرنے والے حازم نے لندن کی یونیورسٹی سے ایل ایل بی کیا ہے۔ ایل ایل بی سے پہلے حازم فیشن ڈیزائننگ اینڈ مارکیٹنگ میں بھی ڈگری حاصل کر چکے ہیں۔ حازم تین معروف کمپنیوں کے برینڈ ایمبسیڈر بھی رہ چکے ہیں ۔ اس کے بعد وہ پاکستان آئے اور انہوں نے ایس پی ایس سی کا امتحان پاس کیا اور پی ایم ایس افسر بنے اور رواں ہفتے ہی وہ اسسٹنٹ کمشنر کراچی تعینات ہوئے ہیں

انہوں نے نومبر 2019 میں اپنا پہلا گانا ”حرام“ جاری کیا جو ایک ہفتے کے اندر جنوبی کوریا ، ہنگری ، مصر اور بھارت وغیرہ میں ٹرینڈ کرتا رہا
وہ پاکستان میں ہاظم فاؤنڈیشن کے نام سے چیریٹی بھی چلاتے ہیں اس وقت وہ کراچی میں اسسٹنٹ کمشنر کے طور پر خدمات انجام دے رہےہیں۔

Post Views: 412

مزید پڑھیں

پاکستان کو بے وقت سیلاب و زلزلے سے بچانے کے لیے “ریچارج پاکستان” پروگرام…
اٹلی میں مفت ایم بی بی ایس کرنا کیسے ممکن ہے؟؟؟
خیبرپختونخواہ میں پی ٹی آئی حمایتی سکول پرنسپل کی گرفتاری، حقیقت؟؟؟
بیرون ملک سکالرشپ کے لیے IELTS کی مفت تیاری کیسے کریں؟
اسلام آ باد میں ماحولیاتی تبدیلی اور کوپ 28 کے حوالے سے آگا ہی…
زائد فیسوں والے بجی میڈیکل کالجز کے خلاف پی ایم ڈی سی متحرک
Load/Hide Comments

اپنا تبصرہ بھیجیں