ہائر ایجوکیشن کمیشن (ایچ ای سی)، پاکستان نے “علامہ محمد اقبال سکالرشپ برائے سری لنکن طلباء” کے تحت پاکستان میں تعلیم حاصل کرنے کے لیے منتخب 321 سری لنکن طلباء کے لیے قبل از روانگی اورینٹیشن سیشن اور ایوارڈ تقریب کا انعقاد کیا۔منتخب طلباء اب پاکستان آمد کے لیے اپنی دستاویزات کی ضروریات پوری کریں گے۔
ایوارڈ کی تقریب میں سری لنکا کے وزیر تعلیم ڈاکٹر سوسل پریماجینتھا مہمان خصوصی تھے۔ سری لنکا میں پاکستان کے ہائی کمشنر میجر جنرل (ر) عمر فاروق برکی، ڈائریکٹر جنرل (اسکالرشپس) ایچ ای سی محترمہ عائشہ اکرام، پراجیکٹ ڈائریکٹر ایچ ای سی مسٹر جہانزیب خان، سری لنکا کے کئی وزراء، وائس چانسلرز، مسلح افواج کے اعلیٰ حکام، بدھ مت کے مونكس ، پراجیکٹ کے سابق طلباء، اور اسکالرشپ ایوارڈ یافتہ نے طلباء اپنے خاندان کے افراد کے ساتھ اس تقریب میں شرکت کی۔
ڈاکٹر پریماجینتھا نے سری لنکا کے طلباء، فیکلٹی اور سرکاری اہلکاروں کی استعداد کار میں اضافے کے لیے تعاون پر حکومت پاکستان کا شکریہ ادا کیا۔ انہوں نے اس بات پر زور دیا کہ پاک سری لنکا دوطرفہ تعلقات کے تحت ہونے والی پیش رفت پورے جنوبی ایشیائی خطے کے لیے مضبوطی اور بڑی اہمیت کا باعث ہے۔
وفاقی وزیر نے طلباء کو مبارکباد دی اور پاکستان کی اعلیٰ یونیورسٹیوں میں تعلیم حاصل کرنے کے موقع کو ایک بڑی کامیابی قرار دیا۔ انہوں نے بیرونی ملک میں تعلیم حاصل کرنے کی اہمیت کو اجاگر کیا، جس کے بارے میں انہوں نے کہا کہ یہ نہ صرف قابلیت کو بلند کرتا ہے بلکہ زندگی بھر کا تجربہ بھی فراہم کرتا ہے۔
اپنے خطبہ استقبالیہ میں محترمہ عائشہ اکرام نے اسکالرشپ پروجیکٹ کے بارے میں حاضرین کو آگاہ کیا۔ انہوں نے کہا کہ یہ دونوں ممالک کے لوگوں کو قریب لا رہا ہے۔ انہوں نے سری لنکن طلباء کو مشورہ دیا کہ وہ اپنے تعلیمی اہداف پر عمل کریں، متنوع پاکستانی ثقافت کے بارے میں جانیں، اور اپنی ترقی کے لیے نیٹ ورکنگ کریں اور موقع سے بھرپور فائدہ اٹھائیں۔ انہوں نے کہا کہ پاکستان میں زیر تعلیم سری لنکن طلباء پاکستان میں سری لنکا کے سفیر ہیں، انہوں نے مزید کہا کہ یہی طلباء اپنی تعلیم مکمل کرنے کے بعد سری لنکا میں پاکستانی سفیر کا کردار ادا کریں گے۔
علامہ محمد اقبال اسکالرشپس فار سری لنکن اسٹوڈنٹس پروجیکٹ پاک سری لنکا ہائر ایجوکیشن کوآپریشن پروگرام کا ایک جزو ہے۔ اس منصوبے کے تحت اس وقت 351 سری لنکن طلباء پاکستانی یونیورسٹیوں میں مختلف سطحوں پر مختلف شعبوں میں زیر تعلیم ہیں۔ نئے منتخب طلباء میڈیسن، انجینئرنگ اور ٹیکنالوجی، مینجمنٹ، الائیڈ ہیلتھ سائنسز، ایگریکلچر اینڈ ویٹرنری سائنسز، بائیولوجیکل سائنسز، فزیکل سائنسز، سوشل سائنسز، آرٹس اور ہیومینٹیز کے شعبوں میں بھی اپنی تعلیم حاصل کریں گے۔
