وزیراعظم محمد شہباز شریف سے گجرانوالہ بورڈ کے میٹرک کے امتحانات میں اول پوزیشن حاصل کرنے والے طالب علم جمشید علی کی ملاقات ہوئی جس میں جمشید علی کی والدہ، انکے میٹرک کے استاد وحید اشرف اور گجرانوالہ بورڈ کے چیئرمین نوید حیدر شیرازی بھی شریک تھے
ملاقات میں وزیر برائے وفاقی تعلیم و پیشہ ورانہ تربیت رانا تنویر حسین بھی شریک تھے، اس موقع پر وزیرِ اعظم نے جمشید علی کو انکی میٹرک کے امتحانات میں شاندار کارکردگی پر سراہا.
وزیرِ اعظم نے جمشید علی کو انکی شاندار کارکردگی پر حوصلہ افزائی کیلئے 10 لاکھ روپے انعام سے بھی نوازا جبکہ وزیرِ اعظم نے ہدایت دی کہ جمشید علی کے ماسٹرز تک کے تمام تعلیمی اخراجات حکومت برداشت کرے گی
وزیرِ اعظم نے جمشید علی کیلئے ماہانہ 30 ہزار روپے وظیفے کا بھی اعلان کیا اور اس سے وعدہ لیا کہ وہ آئندہ بھی تعلیمی میدان میں ایسی شاندار کارکردگی کا مظاہرہ کرے گا،
وزیراعظم کا کہنا تھا کہ آپ جیسے ہونہار طالب علم پاکستان کا فخر ہیں آپ کی کامیابی میں والدین اور اساتذہ کی بھی خوب محنت شامل ہے
وزیرِ اعظم کی جانب سے کہا گیا کہ آپ پاکستان کے دیگر طالب علموں کیلئے بھی رول ماڈل ہیں
