گلی محلے کی کرکٹ کھیلتے ہوئے سندھ کے آبائی شہر لاڑکانہ سے تعلق رکھنے والے شاہنواز دھانی بین الاقوامی گراؤنڈز میں پاکستان کی نمائندگی کرنے پہنچ گئے لیکن اس کے باوجود نہ ہی اپنے آبائی شہر کو بھولے نہ ہی اپنے سکول کو۔۔۔
گزشتہ روز گھر سے نکلے اور پرائمری کی تعلیم جس سکول سے پاس کی وہاں پہنچ گئے، سکول انتظامیہ اپنے سٹار سٹوڈنٹ کو دیکھ کر دنگ رہ گئی، ان کو مختلف کلاسز کا دورہ کروایا، دھانی کلاسز میں پہنچتے ہی دوبارہ سے اپنے بچپن کی یادوں میں گم ہوگئے
ان کی جانب سے کلاس رومز کے بینچز پر بیٹھ کر بچوں کے ہمراہ تصاویر بھی بنوائی گئیں اور آٹو گراف کی لگی لمبی لائن سے بھی نمٹے
سوشل میڈیا پر تصاویر وائرل ہوئیں تو مختلف فینز کی جانب سے دلچسپ تبصرے کیے گئے، دھانی سے بھی نہ رہا گیا تو ایک تصویر پر بیان داغتے ہوئے کہا کہ ان کے لیے اپنا پرائمری سکول وزٹ کرنا ایک اعزاز سے کم نہ تھا
It was an honor to visit & meet teachers & students, of my primary school. studied till class six here as my father couldn't afford fees further, so was admitted in Govt Pilot School Larkana till class 10. later did https://t.co/EVBdxYdqzj & B. Com from Commerce College Larkana❤️ https://t.co/ma0Gn8jmNo
— Shahnawaz Dahani (@ShahnawazDahani) January 31, 2023
انہوں نے لکھا کہ چونکہ ان کے والدین پرائمری سکول کے بعد ان کو مزید پڑھا نہ سکے تو وہ چھٹی سکول تک ہی یہاں پڑھ سکے جس کے بعد سرکاری سکول میں داخلہ لے لیا جس کے بعد انہوں نے انٹرمیڈیٹ اور بعدازاں بی کام تک تعلیم حاصل کی
