چیئرمین ہایئر ایجوکیشن کمیشن کی وفاقی وزیر صحت عبدالقادر پٹیل سے ملاقات ہوئی۔ ترجمان وزارت صحت کا کہنا تھا کہ اس ملاقات میں میڈیکل کی تعلیم کو بین الاقوامی معیار کے مطابق بنانے کیلئے پختہ عزم کا اظہار کیا گیا۔
عبدالقادر پٹیل کا کہنا تھا کہ شہید ذوالفقار علی بھٹو یونیورسٹی اسلام آباد میں اعلی سطح کی یونیورسٹی ہے۔اس یونیورسٹی نے چند سالوں میں نمایاں مقام حاصلِ کیا ہے۔ پچھلے دو سالوں میں یونیورسٹی نے دس نیو پروگرام شروع کیے مجموعی طور پر 45 کے قریب پروگرام چل رہے ہیں۔ یونیورسٹی نے بیسک سائنس میں ایم فل اور پی ایچ ڈی پروگرام شروع کیا ہے۔
عبدالقادر پٹیل کا مزید کہنا تھا کہ ایچ ای سی کی سپورٹ کے ہم خصوصی طور پر شکر گزار ہیں۔ یونیورسٹی کی توسیع کیلئے ہم کو زمین بھی درکار ھے تاکہ دوسرے بڑے پروگرام شروع کیے جائیں گے۔ یونیورسٹی کی زمین کیلئے این آئی ایچ سے زمین لی جاے گی۔
ایچ ای سی ہمیں کلینکل سائنسز میں اعلی تعلیم کے معیار کو بلند کرنے کیلئے سپورٹ کرے گی۔ جبکہ چیرمین ایچ ای سی نے اعلی تعلیم کے معیار کو بہتر بنانے کیلئے ہر قسم کے بھر پور تعاون کا یقین دلایا ہے۔
